Maison Relais
 
Informations Maison Relais

Maison Relais

Mir iwwert eis

Eis Maison Relais befënnt sech um Site Scolaire „an der Dällt“ an huet hier Dieren am Februar 2006 opgemaach. D ‘Kanner kënnen vun 3 Méint bis 12 Joer bei eis betreit ginn. Eis Maison Relais gëtt geleed vum Caroline Marx (chargée de direction) a vum Anouk Greis (chargée de direction adjointe), waat bis Januar 2017 am Congé parental ass an während dëser Zäit duerch d’Emeline Mauger ersat gëtt. Den Encadrement vun de Kanner gëtt vun diploméierten Educateuren/tricen an “Aides-Socio-Educatives” assuréiert. Eng Équipe vu 4 Professioneller bereeden all Dag an eiser Kichen eise flotte frëschen Iess-Buffet vir.

Waat maache mir an eiser Maison Relais

• Mir bidden en Accueil vu 07:00 bis 08:00 Auer moies un.

• An der Mëttesstonn bidde mir de Kanner mat eisem “Buffet-System” eng ofwiesselungsräich Molzecht, a verschidde Fräizäitaktivitéiten, déi sie souwäit wéi méiglech fräi wiele kënnen.

• No der Schoul bidde mir nieft der Hausaufgabe-Surveillance verschidde Fräizäitaktivitéiten un, déi mir zesumme mat de Kanner gestalten, an déi villfälteg Beräicher ofdecken, wéi zum Beispill Beweegung a Natur, Technik an Handwierk, kënschtlerescht Gestalten,....

An der Schoulzäit :

Mir sinn an de Schoulgruppen op vu Méindes bis Freides :
All Dag moies vun 07:00 bis 08:00 Auer a mëttes vun 11:45 bis 14:00 Auer.
Méindes, Mëttwochs a Freides no der Schoul vun 16:00 bis 19:00 Auer an Dënschdes an Donneschdes vun 14:00 bis 19:00 Auer.

An de Schoulvakanzen :

Mir sinn an all de Schoulvakanzen op vu moies 07:00 bis owes 19:00 Auer (ausser di legal Feierdeeg an eng Woch ronderëm Krëschtdag), an dat ass dëst Joer vum 26. Dezember 2016 - 1. Januar 2017. Vum 2. Januar 2017 si mir nees moies ab 7.00Auer fir d’Kanner do.

Eist Konzept :

Mir schaffen an eiser Maison Relais mat de Kanner vun 0-2 nom
Konzept vun der Pikler Pädagogik, mat de Kanner ab 2 Joer no
der Reggio Emilia Pädagogik, déi hei zu Lëtzebuerg ënner dem
Numm “Weltatelier” ugewannt gëtt. Et geet dorëms, dass een
d ‘Kanner als kompetent Perséinlechkeeten ugesäit, an hinnen
e Maximum u fräie Choix an hiren Handlungen zoutraut, an sie
sou, an engem definéierten a gesécherten Kader, Villes eleng
maache léisst. Den Erzéier huet d ‘Roll vun enger aktiver Begleetpersoun,
déi de Kanner Ureegunge gëtt, an sie an hiren Handlungen
an an hirem Wierken ënnerstëtzt. Wichteg Themen am
Weltatelier, ronderëm déi d’Atelier’en an d’Aktivitéiten opgebaut
sinn, sinn ënner anerem Beweegung a Natur, Handwierken a
kënschtlerescht Gestalten, Verkleeden an Theater spillen, Musek
a Sprooch, a nach Villes méi. Et gëtt och regelméisseg a Projeten
geschafft, déi op d ‘Interesse vun de Kanner hin, zesummen mat
hinnen entwéckelt an duerchgefouert ginn, wéi zum Beispill de
Projet “Fit an der Natur” (Beweegungsprojet) oder eise “Biogaart”.
Ausser die ganz kleng Kanner (0-2) iessen d ‘Kanner alleguerten
no engem Buffet-System. Dëst bedeit, dass d ‘Kanner sech fräi
zervéieren kënnen. Dëst bedeit, dass d ‘Kanner selwer kënnen
entscheeden, wat a wéivill sie iesse wëllen, woubäi si aktiv vun
den Erzéier encouragéiert ginn (awer net gezwongen) , vun allem
ze schmaachen, woubäi vill Wert op frëscht Geméis an Uebst
geluet gëtt.
D‘Relatioun an d‘Zesummenaarbecht mat den Elteren spillt
eng bedeitend Roll an eisem Konzept, mir invitéieren d‘Elteren
sech wann ëmmer de Besoin besteet, un äis Erzéier ze
wenden. Den Alldag vun de Kanner gëtt ënner anerem duerch
‘‘sprechende Wände‘‘, Fotoen a Panneauen dokumentéiert.

Eis Crèche ass ëmmer op vu moies 07:00 bis owes 19:00 Auer.

Fir all weider Informatiounen si mir erreechbar:

Caroline Marx : 35 98 89 – 371/ 621 154 707
Anouk Greis : 35 98 89 – 377 / 621 154 707

Fax : 35 98 89 - 379

Eis e-mail-adress ass : maison.relais@ecoles-schuttrange.lu

 

macommune.lu

Contacts

Maison relais Centre scolaire

185, rue Principale L-5366 Munsbach

Lundi: 7.00 - 8.00 ; 12.00 - 14.00 ; 16.00 - 19.00

Mardi: 7.00 - 8.00 ; 12.00 - 19.00

Mercredi: 7.00 - 8.00 ; 12.00 - 14.00 ; 16.00 - 19.00

Jeudi: 7.00 - 8.00 ; 12.00 - 19.00

Vendredi: 7.00 - 8.00 ; 12.00 - 14.00 ; 16.00 - 19.00

Pendant les vacances scolaires: 7.00 - 19.00


Tél. : 35 98 89 - 371
Fax : 35 98 89 - 379

maison.relais@ecoles-schuttrange.lu



Prendre contact
© Administration Communale de Schuttrange